Sport TV telekanali MOQ bilan hamkorlikda sportchilarimizning Osiyo o‘yinlariga kuzatish marosimini jonli efirda namoyish etadi.

Xabaringiz bor, 18 avgust – 2 sentyabr kunlari Indoneziyaning Jakarta va Palembang shaharlarida XVIII Osiyo o‘yinlari bo‘lib o‘tadi.

Shu munosabat bilan bugun, 7 avgust kuni soat 10:30da Milliy olimpiya qo‘mitasida ushbu musobaqada ishtirok etadigan sportchilarimizni rasmiy kuzatish marosimi tashkil etiladi. Unda Osiyo o‘yinlarida qatnashadigan bir qator yetakchi sportchilarimiz, Milliy olimpiya qo‘mitasi va sport federasiyalari mutasaddilari ishtirok etadilar.

Shuningdek, terma jamoamiz sportchilarining Indoneziyadagi o‘yinlarda foydalanadigan yangi ekipirovkalar taqdimoti ham o‘tkaziladi.
Jarayonni Sport TV da jonli efirda tomosha qilishingiz mumkin. O‘z MTRK Sport kanali Osiyo o‘yinlarini keng ko‘lamda yoritish yo‘lida MOQ bilan yaqindan hamkorlikni davom ettirishdan minnatdor. Telekanalimiz ijodkorlari Osiyo o‘yinlarida sportchilarimizga omad va ulkan zafarlar tilab qolishadi.