Rossiyalik taniqli velopoygachi Olga Zabelinskaya sport fuqaroligini o‘zgartirmoqchi va O‘zbekiston sharafini himoya qilmoqchi, deya xabar beradi sport-express.ru
"Ha, hozir o‘tish jarayonidaman. Ammo bu qadamimga sababini hozircha oshkor qilmoqchi emasman", - deya Zbelinskayaning so‘zlarini keltiradi TASS.
Rossiya velosport federasiyasi 38 yoshli sportchinin qaroridan bexabarligini bildirdi.
"Biz tomonimizdan hech qanday kelishuv yo‘q. Biz bu o‘tishga mutlaqo qarshimiz, nima bo‘lganida ham uni ikki yillik karantin kutmoqdaOlimpiya o‘yinlari tufayli karantin uch yilga cho‘ziladi, shuning uchun u sport fuqaroligini o‘zgartirsa, 2020 yilgi Olimpiadani o‘tkazib yuboradi", - deydi RVSF direktori Yuriy Kucheryaviy.
Zabelinskaya - Rossiya tarixidagi eng ko‘p sovrinlarga ega bo‘lgan velosprtchi. U uch karra Olimpiyada sovrindori. London-2012da ikkita bronza medalga ega chiqqan, Rio-2016da kumush medalni qo‘lga kiritgan.
Zabelinskaya RVSF bilan kelisha olmasa, uni uch yillik karantin kutmoqda va u Tokio-2020ni o‘tkazib yuboradi. Bu Olimpiada Zabelinskayaning bosh maqsadi.
"Olimpiada oltin medalini yutishimga ishonaman. Sportni tashlashdan ma’no ko‘rmayapman. Buning ustiga bizda vakkum yuzaga kelgan. Jahon chempionatiga jamoa ham tuza olmaymiz. Men o‘ynovchi murabbiy vazifasini o‘tashni istardim. O‘z tajribam bilan ko‘pchilikka yordamim tekkan bo‘lar edi", - degan edi Zabelinskaya Rioda kumush medalni qo‘lga kiritganidan so‘ng.
Zabelinskaya Parijda bo‘lib o‘tadigan Olimpiada-2024da ham qatnashmoqchi. Ha, undu u 44 yoshda bo‘ladi, ammo ayollar velosportida yoshi ulug‘ sportchilarga misollar ko‘p. Eng yarqin misol - fransuz - Janni Longo, u yettita OLimpiadada qatnashgan. Pekin-2008da u 49 yoshda bo‘lgan va 4-o‘rinni qo‘lga kiritgan.
