Ravshan Haydarov boshchiligidagi olimpiya terma jamoasi Indoneziyadagi Osiyo o‘yinlariga tayyorgarli ko‘rayotgani sabab Vyetnamdagi xalqaro musobaqaga Sunnatillo Abdurasulov boshchiligida O‘zbekiston olimpiya terma jamoasiga nomzod futbolchilar borgani haqida ma’lumot bergan edik.
Musobaqaning so‘nggi o‘yinida O‘zbekiston olimpiya terma jamoasi Vyetnam bilan 1-1 hisobidagi durang qayd etib, musobaqaning umumiy jadvalida 2 ochko bilan 3-o‘rinni egalladi. Eslatib o‘tamiz, birinchi tur o‘yinida Ummon olimpiya terma jamoasiga qarshi 1-1 hisobidagi durang qayd etilgan bo‘lsa, Falastin OTJga qarshi o‘yinda O‘zbekiston OTJ 2-1 hisobida mag‘lub bo‘lgan edi.
Vyetnamdagi xalqaro musobaqa O‘zbekiston olimpiya terma jamoasiga nomzod bo‘lgan futbolchilarni sinovdan o‘tkazish, ularga xalqaro o‘yinlar tajribasini taqdim qilish va saralab olish vazifasini bajarib beradi.
