«Barselona» rahbariyati yaqinda «Bordo» yarim himoyachisi Malkom transferini e’lon qildi. Kataloniya klubi braziliyalik futbolchi uchun 41 million yevro to‘laydi. Bu summaga yana 1 million yevro bonus to‘lovi qo‘shilishi mumkin.
Malkom esa birdaniga 5 yillik shartnoma ostiga imzo chekdi. Qizig‘i, oldinroq uning «Roma» safiga qo‘shilishi haqida xabar berilgandi. Biroq «Barsa» so‘nggi pallada Malkom yo‘nalishini keskin o‘zgartirib yubordi.
«Roma» sport direktori Ramon Rodriges Monchi Malkom transferi barbod bo‘lganidan nolimoqda. Zero, rimliklar «Bordo» futbolchisini 36 million yevroga sotib olishayotganini e’lon qilib ulgurgandilar. Ammo 24 iyul kuni braziliyalik futbolchi Rim emas, Kataloniya tomon uchdi.
Gap shundaki, «Chelsi» Villian uchun naq 70 million yevro so‘ragach, «Barsa» undan voz kechib, Malkom variantiga «yopishdi».
Oxir-oqibat, iqtidorli futbolchi bilan 5 yillik shartnomani rasmiylashtirib, kattagina tovon puli ham belgiladi - 400 million yevro. «Roma» rahbariyati vakilining so‘zlariga ko‘ra, klub kelishuvga amal qilinmagani uchun «Bordo» bilan sudlashish imkoniyatini ko‘rib chiqmoqda.
«Malkom nomzodi bizni to‘la qanoatlantirardi, uning klubimiz tarkibini kuchaytirishiga ishongandik. Shu tariqa bir hafta muqaddam «Bordo» rahbariyati hamda futbolchining agenti bilan muzokara jarayoniga kirishib, yakunda barcha masalalar bo‘yicha kelishuvga erishdik.
Hattoki, futbolchining tibbiy ko‘rik uchun Rimga kelishga ruxsat olgandik. Qisqasi, barchasi nazorat ostida ekanligi bois, butunlay xotirjam edik...
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
