Bugun Toshkent vaqti bilan 00:00da UYEFA superkubogi YECHL g‘olibi “Real Madrid” va YEL g‘olibi “Atletiko” o‘rtasidagi bahs bo‘lib o‘tadi. E’tiboringizga mazkur uchrashuvga oid qiziqarli faktlarni taqdim etamiz.

Ushbu o‘yinda kim g‘alaba qozonishidan qat’i nazar, Yevropa superkubogi musobaqalarida mamlakatlar o‘rtasida rekord o‘rnatiladi. Bunga qadar Ispaniya 14 marta Italiya 9 marta va Angliya 8 ta g‘alaba qozongan.

Bu bir mamlakatdan ikki jamoa maydonga tushgan yettinchi Yevropa superkubogi bo‘ladi.

“Real Madrid” 4 marta Yevropa superkubogini qo‘lga kiritgan. “Qirollik kulbi”dan “Barselona” va “Milan” bu ko‘rsatgich bo‘yicha oldinda (5).

“Atletiko” Yevropa superkubogida bugunga qadar biror marta yutqazmagan. Ular 2010 yil “Inter”ni 0:2 hisobida (Reyes 62, Aguero 83), 2012 yil esa “Chelsi”ni 1:4 (Keyxill 75; Falkao 6,19, 45 Miranda 60) hisobida mag‘lub etgan.

Xulen Lopetegi Diyego Simonega qarshi “Real Madrid”ni maydonga olib tushgan 5-murabbiyga aylanadi.

Tarixda ilk bor Yevropa superkubogini polshalik hakam Shimon Marsinyak brigadasi boshqarib boradi. Yevropa superkubogida ilk bor hakamlar VAR tizimidan foydalanishadi.

Bugungi uchrashuvda murabbiylar to‘rtinchi o‘zgarishni ham amаlga oshira olishadi. Agar jamoalar qo‘shimcha bo‘limlarga yo‘l olsagina.