Бугун Тошкент вақти билан 00:00да УЕФА суперкубоги ЕЧЛ ғолиби “Реал Мадрид” ва ЕЛ ғолиби “Атлетико” ўртасидаги баҳс бўлиб ўтади. Эътиборингизга мазкур учрашувга оид қизиқарли фактларни тақдим этамиз.
Ушбу ўйинда ким ғалаба қозонишидан қатъи назар, Европа суперкубоги мусобақаларида мамлакатлар ўртасида рекорд ўрнатилади. Бунга қадар Испания 14 марта Италия 9 марта ва Англия 8 та ғалаба қозонган.
Бу бир мамлакатдан икки жамоа майдонга тушган еттинчи Европа суперкубоги бўлади.
“Реал Мадрид” 4 марта Европа суперкубогини қўлга киритган. “Қироллик кулби”дан “Барселона” ва “Милан” бу кўрсатгич бўйича олдинда (5).
“Атлетико” Европа суперкубогида бугунга қадар бирор марта ютқазмаган. Улар 2010 йил “Интер”ни 0:2 ҳисобида (Рейес 62, Агуэро 83), 2012 йил эса “Челси”ни 1:4 (Кэйхилл 75; Фалькао 6,19, 45 Миранда 60) ҳисобида мағлуб этган.
Хулен Лопетеги Диего Симонега қарши “Реал Мадрид”ни майдонга олиб тушган 5-мураббийга айланади.
Тарихда илк бор Европа суперкубогини полшалик ҳакам Шимон Марциняк бригадаси бошқариб боради. Европа суперкубогида илк бор ҳакамлар VAR тизимидан фойдаланишади.
Бугунги учрашувда мураббийлар тўртинчи ўзгаришни ҳам амалга ошира олишади. Агар жамоалар қўшимча бўлимларга йўл олсагина.
