18 avgust kuni "Paxtakor" PEPSI Superliganing 22-tur markaziy o‘yinida "Nasaf"ni qabul qiladi.
Har ikki jamoa hujumkor futbol namoyish etishni xush ko‘radi. Bu esa uchrashuvga bo‘lgan qiziqish va uning ahamiyatini yanada oshiradi. Ishqibozlarni keskin, hayajonli va qiziqarli vaziyatlarga boy o‘yin kutib turibdi desak bo‘ladi.
Bellashuv "Paxtakor" stadionida 18 avgust, shanba kuni soat 20:00da boshlanadi.
O‘yinga tashrif buyuruvchi ishqibozlar uchun "Paxtakor" futbol klubi ajoyib sovg‘alar tayyorlagan.
Shuningdek, stadionlarga oilaviy tashrif buyuradigan muxlislar va jajji bolakaylar uchun bir qator qiziqarli attraksionlar tashkil qilinadi.
Tanaffus paytida omadli ishqibozlar 2 dona uyali telefon yutib olish imkoniyatiga ega bo‘lishadi. Futbol muxlislarini 18 avgust kuni "Paxtakor" stadioniga chorlab qolamiz. Stadionga keling va "Paxtakor"ni qo‘llab-quvvatlang!
Uchrashuvdan avval stadionga tashrif buyuradigan ishqibozlar e’tiboriga estrada yulduzlari ishtirokida konsert dasturi taqdim etilishi rejalashtirilgan.
