Superliganing  22-turidan o‘rin olgan  “Neftchi” – “Qo‘qon-1912”  jamoalari o‘yinidan oldin “Qo‘qon-1912” jamoasining markaziy  himoyachisi  G‘iyos Komilov o‘z fikrlarini bayon qildi.

- Chempionatimiz superligaga aylanib , unda 12 ta jamoaning ishtirok etishi kuchli raqobatni yuzaga keltirdi. Hech bir jamoa  bironta ochkoni osonlikcha  qo‘lga kiritgani yo‘q. Mavsum so‘ngiga qadar intriga davom etishiga shubha qolmadi.

O‘yinlarning televideniya orqali to‘g‘ridan to‘g‘ri namoyish qilinishi hamda muxlislarga qulay bo‘lgan vaqtlarga qo‘yilishi  , bu ishlar juda katta yangilik va oldinga siljish bo‘ldi.

Chempionat formatining o‘zgarishi ya’ni jamoalarning ikkita oltilikka bo‘linishi esa mavsum so‘nggiga qadar oson o‘yinlar bo‘lmasligini ta’minlaydi.

Bizni oldinda “Neftchi”ga qarshi judayam muhim o‘yin kutib turibdi. Farg‘onada bo‘ladigan “derbi”lar doim murosasiz o‘tgan. Endigisi esa yanada shiddatli “jang”ga aylanishiga shubha yo‘q.  Biz Farg‘onada borimizni beramiz. Kuchli oltilikka kirishimizga ishonaman. Imkoniyat bor ekan oxrigacha kurashamiz. O‘ylaymanki Olmaliqda ham shiddatli o‘yin bo‘ladi. “AGMK” ketma-ket g‘alabali seriyasini davom ettira olsa kerak, chunki ular uchun ham “Metallurg”dan olinadigan ochkolar oltinga teng bo‘lishi shubhasiz.