Xabaringiz bor, ertaga XVIII Osiyo o‘yinlarining tantanali ochilish marosimi bo‘lib o‘tadi.
Aksariyat sportchilarimiz musobaqada ishtirok etish uchun Indoneziyaga yetib kelishgan. Jumladan, tennischilarimiz ham bahslar o‘tkaziladigan Palembang shahriga joylashib, mashg‘ulotlarni boshlab yuborishgan.
Bugun Samug‘ Abidov boshchiligidagi tennischilarimiz Palembangdagi Jakabaring tennis markazida mashg‘ulot o‘tkazishdi. Eslatib o‘tamiz, Osiyo o‘yinlarida erkaklar o‘rtasidagi bahslarda Denis Istomin, Jo‘rabek Karimov, Sanjar Fayziyev, Farruh Do‘stov, ayollar o‘rtasidagi bellashuvlarda esa Iroda To‘laganova, Sabina Sharipova, Oqgul Omonmurodova hamda Nigina Abduraimovalar yurtimiz sharafini himoya qiladilar.
Ma’lumot uchun, Osiyo o‘yinlarida sportning ushbu turi bo‘yicha bahslarga 19 avgust kuni start beriladi.
