Хабарингиз бор, эртага XVIII Осиё ўйинларининг тантанали очилиш маросими бўлиб ўтади.
Аксарият спортчиларимиз мусобақада иштирок этиш учун Индонезияга етиб келишган. Жумладан, теннисчиларимиз ҳам баҳслар ўтказиладиган Палембанг шаҳрига жойлашиб, машғулотларни бошлаб юборишган.
Бугун Самуғ Абидов бошчилигидаги теннисчиларимиз Палембангдаги Жакабаринг теннис марказида машғулот ўтказишди. Эслатиб ўтамиз, Осиё ўйинларида эркаклар ўртасидаги баҳсларда Денис Истомин, Жўрабек Каримов, Санжар Файзиев, Фарруҳ Дўстов, аёллар ўртасидаги беллашувларда эса Ирода Тўлаганова, Сабина Шарипова, Оқгул Омонмуродова ҳамда Нигина Абдураимовалар юртимиз шарафини ҳимоя қиладилар.
Маълумот учун, Осиё ўйинларида спортнинг ушбу тури бўйича баҳсларга 19 август куни старт берилади.
