"Nasaf" bilan o‘yindan keyin "Paxtakor" bosh murabbiyi uchrashuv haqida fikrlarini bildirdi.

- Birinchi navbatda muxlislarga rahmat aytaman. Ular qiyin holatlarda bizga kuch berishmoqda, oldinga chorlashmoqda. O‘yin ahamiyatga ega emasdi, lekin ular sevimli jamoalarini qo‘llash va futbol ko‘rish uchun kelishdi. Ishqibozlarning stadionda o‘zini qulay his qilishi uchun hamma ishni qilyapmiz. Ikkinchi bosqichda ham ulardan katta ko‘mak olishga umid qilaman.

Jamoam bugun saviyasini ko‘rsatdi. Raqibda esa yosh futbolchilar ko‘p. Birinchi bosqichni eng ko‘p ochko, eng ko‘p urilgan gol va eng kam to‘p o‘tkazib yuborish bilan yakunladik. Endi yangi bosqichni sabrsizlik bilan kutamiz.

Yosh o‘yinchilarga imkoniyat berishga urinaman. Ahmadov asosiy tarkibda to‘liq o‘ynadi. Asta-sekin tajriba to‘plamoqda. Mahmudhojiyevni esa hozircha debyuti bilan tabriklab turamiz.