Angliya chempionati 2-tur markaziy uchrashuvi “Chelsi” va “Arsenal” o‘yni yakunlandi. “Stemford Bridj” o‘yingohida kechgan bahsda mezbonlar irodali g‘alabaga erishdi.
O‘yinning 9-daqiqasida Pedro hisobni ochgan bo‘lsa, 20-daqiqada Alvaro Morata jamoasining ikkinchi golini urdi.
Birinchi bo‘lim yakunlanishi arafasida mehmonlar ikki to‘p farqini yo‘qqa chiqara olishdi. 37-daqiqada Genrix Mxitaryan hisobni qisqartirgan bo‘lsa, 41-daqiqada Aleks Ivobi muvozanatni tikladi.
Ikkinchi bo‘lim ham xavfli hujumlarga boy bo‘ldi, biroq raqib darvozasini ishg‘ol qilish ko‘klarga nasib etdi. 81-daqiqada Markos Alonso Eden Azarning uzatmasini golga aylantirib, jamoasiga g‘alaba olib keldi.
Shu tariqa, «Chelsi» ketma-ket ikkinchi g‘alabasini qo‘lga kiritdi, «Arsenal» esa aksincha 1992 yildan keyin ilk bor APL startidagi ikki turda mag‘lub bo‘ldi.
Angliya chempionati, 2-tur
Chelsi – Arsenal 3:2
Gollar: 1:0 – 9 Pedro, 2:0 – 20 Morata, 2:1 – 37 Mxitaryan, 2:2 – 41 Ivobi, 3:2 – 81 Alonso.
Chelsi – Arrisabalaga, Ryudiger, Alonso, Aspilikueta, David Luiz, Barkli (Kovachich, 60), Jorjinyo, Villian (Azar, 61), Kante, Pedro, Morata (Jiru, 75).
Arsenal – Chex, Papastatopulos, Monreal, Belyerin, Mustafi, Genduzi, Jaka (Torreyra, 46), O‘zil (Remzi, 68), Mxitaryan, Ivobi (Lyakazett, 75), Obameyang.
Ogohlantirishlar: Jaka (27), Mustafi (77).
