Indoneziyada Osiyo o‘yinlari musobaqasining 2-kundagi bahslari davom etmoqda.
 
Bugun, 20 avgust kuni taekvando bo‘yicha 58 kg vazn toifasida Niyoz Po‘latov tailandlik raqibi Savekvixari Ramnarongni 23:22 hisobida mag‘lub etib yarim finalga yo‘llanma oldi.
 
-67kg vazn toifasida O‘zbekiston sharafini himoya qilayotgan yana bir taekvondochi Nigora Tursunqulova makaolik raqibini mag‘lubiyatga uchratib, yarim finalga yo‘l oldi.
 
50 kg vazn toifasidagi erkin kurashchi Dauletbike Yaxshimuratova yarim finalda hindistonlik raqibasi Vinesh Vineshga 0:10 hisobida imkoniyatni boy berdi. Endi u o‘tish bahsida qatnashadi va g‘alaba qozonadigan bo‘lsa, bronza medali uchun kurashadi.
 
Bundan tashqari, 57 kg vazn toifasidagi yana bir tennischi Nabira Esenbayeva hindistonlik Dhanda Pujaga 1:12 hisobida yutqazdi. Agar hindistonlik sportchi finalgacha yetib bora olsa Nabirada medal yutish uchun imkoniyat paydo bo‘ladi.
 
Tennischi Jo‘rabek Karimov livanlik raqibini 6:4, 7:5 hisoblarida mag‘lubiyatga uchratdi.
 
Yana bir tennischi Denis Istomin 57 daqiqada pokistonlik Aqil Xanni 6:3, 6:1 hisoblarida mag‘lubiyatga uchratib, musobaqning ikkinchi bosqichiga chiqdi.
 
O‘zbekistonlik sportchilarning musobaqadagi ishtiroklari davom etmoqda.