Futbol tarixida transfer huquqi uchun eng ko‘p pul sarflangan o‘yinchi kimligini bilasizmi?
Sport24.ru sayti ayni shu masalaga qiziqib, alohida «taftish» olib bordi va yakunda butun faoliyatlari davomida transfer huquqiga eng ko‘p sarflangan futbolchilardan o‘ziga xos ramziy terma jamoa shakllantirdi.
Aytish joiz, uning tarkibidan asosan muntazam ravishda klubdan klubga «sakrash» asnosida umumiy transfer summasini oshirgan yulduzlar joy olishdi. Bunda hammasi oddiy: muayyan futbolchiga bog‘liq barcha transfer operasiyalari summasi jamlangan.
Darvozabon - ALISSON
Klublari: «Internasyonal», «Roma», «Liverpul»
Transfer operasiyalari jami summasi: 70,5 mln. yevro
Fakt. «Roma» braziliyalik darvozabonni atigi 8 million yevroga sotib olgandi. «Liverpul» esa uning uchun 62,5 «limon» to‘ladi. Yana bir fakt shuki, Alisson 17 yil davomida eng qimmatbaho darvozabon bo‘lib kelgan Janluiji Buffonni sekingina pastga tushirdi.
O‘ng qanot himoyachisi - DANILO
Klublari: «Amerika Mineyro», «Santos», «Portu», «Real», «Manchester Siti»
Transfer operasiyalari jami summasi: 75,4 mln. yevro
Fakt. Danilo «g‘azna»si oxirgi 2ta kelishuv hisobiga qappaydi. Braziliyalik futbolchi 2015 yil yozda «Portu»dan «Real»ga 31,5 mln. yevro evaziga o‘tgandi. Yana 2 yildan keyin esa «Siti» unga 30 million to‘ladi.
Markaziy himoyachi - David LUIZ
Klublari: «Vitoriya», «Benfika», «Chelsi», «PSJ»
Transfer operasiyalari jami summasi: 110 mln. yevro
David Luiz uchun birgina «Chelsi» ikki marta katta mablag‘ to‘ladi. Londonliklar avvaliga 2011 yili «Benfika»ga 25 million, keyin «PSJ»ga 35 million berishdi. To‘g‘ri, orada uni Parijga naq 50 «limon» evaziga yuborishganini ham aytish joiz.
Chap qanot himoyachisi - Benjamin MENDI
Klublari: «Gavr», «Marsel», «Monako», «Manchester Siti»
Transfer operasiyalari jami summasi: 74,5 mln. yevro
Fakt. «Manchester Siti»ning yana bir himoyachisi. «Marsel» uni «Gavr»dan 4 millionga xarid qilib, «Monako»ga sotgandi - 13 million. Knyazlik klubi esa Benjaminni atigi 1 yil o‘ynatdi va Manchester klubiga sotib olgan narxidan 4 baravar qimmatiga pulladi.
Markaziy yarim himoyachi - Xuan Sebastyan VERON
Klublari: «Estudiantes», «Boka Xuniors», «Sampdoriya», «Parma», «Lasio», «MYU», «Chelsi», «Inter»
Transfer operasiyalari jami summasi: 116 mln. yevro
Fakt. Argentinalik sobiq futbolchi transferlar soni ko‘pligi hisobiga ramziy jamoaga kirdi. To‘g‘ri, Veron jami summadan 50 millionini 1999 yilgacha jamg‘argandi. «MYU» va «Chelsi» klublari esa argentinalik uchun birgalikda 60 milliondan ko‘proq sarflagan.
Markaziy yarim himoyachi
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
