O‘zbekiston futbol assosiasiyasi milliy terma jamoa uchun kuchli termalar bilan o‘rtoqlik o‘yinlari tashkil qilish borasida muzokaralarni davom ettirmoqda.
Sentyabr va oktyabr oylaridagi FIFA kunlaridan maksimal tarzda foydalanib, 4ta terma jamoa bilan Toshkentda o‘rtoqlik o‘yini o‘tkazish borasida kelishuvga erishilgani haqida avval xabar berib o‘tgandik.
Jumladan, Ektor Kuper boshchiligidagi terma jamoamiz 6 sentyabr kuni Suriya, 11 sentyabr kuni Eron, 13 oktyabr kuni Shimoliy Koreya va 16 oktyabr kuni Qatar terma jamoalariga qarshi Toshkentda o‘rtoqlik o‘yinlari o‘tkazadi.
Noyabr oyidagi FIFA kunlaridan ham unumli foydalanish maqsadida, Osiyoning kuchli terma jamoalari bilan muzokaralar olib borildi. Natijada, 20 noyabr kuni Janubiy Koreya milliy terma jamoasi bilan o‘rtoqlik o‘yini o‘tkazish bo‘yicha kelishuvga erishildi. Uchrashuv Avstraliya mamlakatida bo‘lib o‘tadi.
Noyabr oyida ob-havo sovuq kelishini inobatga olib, ko‘plab terma jamoalar Osiyo Kubogiga Avstraliyada tayyorgarlik ko‘rishga qaror qilgan. O‘zbekiston milliy terma jamoasi ham aynan shunday tayyorgarlik doirasida Janubiy Koreya bilan o‘rtoqlik o‘yini o‘tkazadi.
Eslatib o‘tamiz, Osiyo Kubogi kelasi yilning yanvar oyida Birlashgan Arab Amirliklarida bo‘lib o‘tadi. O‘zbekiston "F" Yaponiya, Ummon va Turkmaniston terma jamoalariga qarshi bahs olib boradi.
JCH-2026: O‘zbekistonning guruh bosqichi taqvimi bilan tanishing [3645]
Rasman. JCH-2026 qur’a natijalari ma’lum: O‘zbekiston Portugaliyaning guruhidan o‘rin oldi [2728]
JCH-2026. O‘zbekiston guruhdan chiqsa, pley-offda kim bilan to‘qnash keladi? [2692]
Portugaliya bosh murabbiyi Roberto Martines O‘zbekiston haqida nimalar dedi? [2518]
Jaloliddin Masharipov JCH qur’asiga munosabat bildirdi: «Portugaliya tushishini kutgan edim» [2234]
Vinisius va Xabi Alonso muammoga yechim topishdi [2105]
"Liverpul" Slot o‘rniga yangi nomzod topdi [2080]
“Barselona” yozgi transfer vaqtidagi asosiy ustuvorlikni belgiladi [2024]
