Indoneziyada davom etayotgan Osiyo o‘yinlari musobaqasining sakkizinchi kuni o‘zbekistonlik sportchilar uchun juda ham omadli o‘tmoqda. 

Og‘ir atletika bo‘yicha Ruslan Nuriddinov dast ko‘tarish bahslarida 191kg natija ko‘rsatdi va eng yaxshi ko‘rsatkich bilan birinchi o‘rinda ketayotgan edi. 

Shundan so‘ng siltab ko‘tarish bahsida Ruslan Nuriddinov 230 kg tosh ko‘tardi. Umumiy hisobda 421 kg natija ko‘rsatgan Ruslan Indoneziyadagi Osiyo o‘yinlarida O‘zbekiston sport delegasiyasiga oltinchi oltin medalni qo‘shib qo‘ydi.

Qayd etib o‘tish lozimki, ushbu oltin medal o‘zbekistonlik og‘ir atletikachilar uchun Osiyo o‘yinlari tarixidagi birinchisi hisoblanadi.