Xabaringiz bordir, braziliyalik Malkomning «Barselona» safidan joy olishi kichik mojaroga ulanib ketdi.
Gap shundaki, «Bordo»dagi o‘yinlari bilan ko‘zga tashlangan futbolchi avvaliga «Roma»da o‘ynashga rozilik bildirdi, lekin yakunda Ispaniya La-ligasiga yo‘l olishni ma’qul ko‘rdi. Endi u «Barselona» o‘zi uchun klubdan kattaroq va muhimroq ekanligini ta’kidlamoqda.
Quyida Kataloniya jamoasining yangi a’zosi Malkom de Oliveyraning mavsum starti arafasida bergan intervyusidan olingan eng ahamiyatli parchalar bilan tanishishingiz mumkin.
BOLALIK YILLARI
- Aqlimni tanibmanki, do‘stlarim bilan kun bo‘yi - erta azondan qorong‘u tushishiga qadar ko‘chada to‘p ortidan yugurardim. 10 yoshga to‘lganimda esa, «Korintians» maktabida jiddiy tarzda shug‘ullana boshlaganman.
Ochig‘i, boshida ancha qiynalganman. Chunonchi, haftada 3 marta mashg‘ulotga borardim. Ayniqsa, bolalik do‘stlarimdan uzoqlashish sira yoqmagandi. Muhimi, 16 yoshga to‘lganimdayoq professional futbolchi maqomini oldim.
Qisqasi, beg‘ubor bolalikning bir qismini qurbon qilganim besamar ketmadi. Mana, endi ta’til vaqti o‘sha qadrdon do‘stlarim bilan bemalol ko‘rishishim, miriqib hordiq chiqarishim mumkin.
OILA DAVRASI
- Shaxsan men uchun hayotda eng muhimi - oila. Nima qilmayin, barchasi avvalo, aynan oilam uchun. Oddiy aytganda, yaqinlarimga imkon qadar ko‘proq yordam berishim kerak.
Zero, ular vaqtida mening professional futbolchi sifatida shakllanishim yo‘lida ko‘p narsalardan voz kechishgan.
FUTZAL SABOQLARI
- Barchasini futzalda boshlaganman. Bu o‘yin men uchun juda-juda muhim edi.
Aynan zalda o‘yindan chinakamiga lazzatlanishni o‘rganganman. Xususan, gollar, dribling, chiroyli uzatma yoki assistentlik roli cheksiz zavq bag‘ishlardi.
GOLNI NISHONLASH USULI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
