Osiyo o‘yinlari musobaqasida yana bir o‘zbekistonlik bokschi Iqboljon Xoldorov ringga ko‘tarildi.
64 kg vazn toifasida O‘zbekiston sharafini himoya qilgan Iqboljon Xoldorov Janubiy Koreya vakili Lim Xyun Suk bilan jang qilib, raqibini 4:0 hisobida mag‘lub etib yarim finalga chiqdi.
Eslatib o‘tamiz, avvalroq 49 kg vazn toifasida ringga ko‘tarilgan Hasanboy Do‘stmatov qirg‘izistonlik raqibi Mirlan Turkbay o‘g‘lini 5:0 hisobida mag‘lub etib, yarim finalga yo‘llanma olgan edi.
Bugun yana ikki nafar o‘zbek bokschilari chorak finalda o‘z janglarini o‘tkazadilar:
16:15. 56 kg. Mirazizbek Mirzaxalilov — Xarkuu Enk-Amar (Mo‘g‘uliston).
17:15. 75 kg. Isroil Madrimov — Sayidshahin Musaviy (Eron).
