Осиё ўйинлари мусобақасида яна бир ўзбекистонлик боксчи Иқболжон Холдоров рингга кўтарилди. 

64 кг вазн тоифасида Ўзбекистон шарафини ҳимоя қилган Иқболжон Холдоров Жанубий Корея вакили Лим Хюн Сук билан жанг қилиб, рақибини 4:0 ҳисобида мағлуб этиб ярим финалга чиқди. 

Эслатиб ўтамиз, аввалроқ 49 кг вазн тоифасида рингга кўтарилган Ҳасанбой Дўстматов қирғизистонлик рақиби Мирлан Туркбай ўғлини 5:0 ҳисобида мағлуб этиб, ярим финалга йўлланма олган эди. 

Бугун яна икки нафар ўзбек боксчилари чорак финалда ўз жангларини ўтказадилар: 

16:15. 56 кг. Миразизбек Мирзахалилов — Харкуу Энк-Амар (Мўғулистон).

17:15. 75 кг. Исроил Мадримов — Сайидшаҳин Мусавий (Эрон).