O‘zbekiston terma jamoasi bosh murabbiyi Ektor Kuper Suriyaga qarshi o‘yindan so‘ng matbuot anjumanida qatnashdi va uchrashuv haqida fikrlarini bildirib o‘tdi.

“Birinchi o‘yindan muxlislar g‘alaba kutishi tabiiy hol. Biz ham ushbu o‘yinda g‘alaba uchun maydonga tushgan edik. Afsuski ayrim vaziyatlarda bizga omad yetishmagan bo‘lsa boshqa vaziyatlarda o‘yinchilarning xali bir-birini to‘liq tushunmagani pand berdi. Yigitlar hali mashg‘ulotlarda faollik bilan qatnashib o‘z so‘zlarini aytishlariga ishonaman.

Kechagi matbuot anjumanida mendan mo‘jiza kutmasligingizni so‘ragan edim. Bu o‘yindan yakuniy xulosa chiqarmasligingizni so‘rardim. Biz bu o‘yinda ximoyani sinab ko‘rgan bo‘lsak, boshqa o‘yinlarda boshqacha taktikalarda to‘p suramiz. Osiyo kubogiga qadar o‘yin uslubimiz shakllanib boradi.

Mening bu o‘yindagi asosiy maqsadim futbolchilarning maydonda qanday harakat qilishini kuzatish edi. O‘yinimizda kamchiliklar bor albatta. Lekin bir narsani yana bir bor ta’kidlab o‘tishni istardimki, o‘rtoqlik uchrashuvlarida men uchun asosiysi natija emas balki turli taktik sinovlarni o‘tkazishdir. Futbolchilar bir-birlarini to‘liq tushuna boshlashsa, natijalar ham yaxshilanib boradi.

O‘yin uslubiga kiritgan yangiliklarim haqida gapiradigan bo‘lsam, biz mashg‘ulotlarni to‘g‘ri himoyalanishdan boshlayapmiz.

Eron bilan o‘yinda biz yangi taktikada to‘p suramiz, bugungi o‘yinda maydonga tushmagan futbolchilarni ham sinab ko‘ramiz”, - deydi Kuper.