O‘zbekiston U-14 terma jamoasi Xitoyning Uxan shahrida tashkil qilinayotgan xalqaro musobaqaning so‘nggi turida Vyetnamga qarshi maydonga tushib, penaltilar seriyasida raqib jamoani 5-4 hisobida yenggani xaqida xabar bergan edik.

Musobaqa reglamentiga ko‘ra, guruh bosqichida ham durang qayd etilgan holatda penaltilar seriyasiga murojaat qilinadi hamda g‘olib bo‘lgan jamoaga 3 ochko emas balki 2 ochko beriladi.

Shunga muvofiq O‘zbekiston terma jamoasi guruh bosqichida 2 ta g‘alaba va 1 ta mag‘lubiyat bilan 5 ochko to‘plashga muvaffaq bo‘ldi. Shu sababli ham terma jamoamizning taqdiri Yaponiya – Tailand o‘yiniga bog‘liq bo‘lib qolgan edi. Chunki bu paytga kelib Yaponiyada 6 ochko, Tailandda esa 3 ochko mavjud bo‘lib, so‘nggi o‘yinda Tailand Yaponiya ustidan g‘alaba qozonsa, ushbu ikki terma jamoa 6 ochkodan jamg‘arib keyingi bosqichga yo‘l olgan bo‘lardi.

Kutilmaganda so‘nggi o‘yinda Yaponiya Tailand terma jamoasiga mag‘lub bo‘ldi va keyingi bosqichga shu ikki jamoa vakillari yo‘l olishdi. Endi 5 ochko bilan guruhda 3 o‘rinni egallagan Azamat Abduraimov shogirdlari 9 sentyabr kuni 5 o‘rin uchun o‘yinda BAA U-14 terma jamoasiga qarshi baxs olib boradi.