O‘zbekiston U-16 ayollar terma jamoasi Shri-Lankada bo‘lib o‘tadigan Osiyo chempionatining dastlabki saralash bosqichida qatnashishi haqida avval xabar berib o‘tgandik.

Ilhom Xanjariyev boshchiligidagi futbolchi qizlar 8 sentyabrdan boshlab Toshkentdagi “Chig‘atoy” yig‘in o‘tkazishmoqda. Yig‘in davomida nazariy va amaliy mashg‘ulotlar olib borilyapti. Bugun O‘zbekiston U-16 ayollar terma jamoasi “Bunyodkor-2005” jamoasiga qarshi nazorat uchrashuvi o‘tkazdi. O‘yin terma jamoaning 3:2 hisobidagi g‘alabasi bilan yakuniga yetdi.

Ushbu o‘yin O‘zbekiston U-16 ayollar terma jamoasi uchun Osiyo chempionati saralashi oldidan so‘nggi tayyorgarlik vazifasini o‘tab berdi. Ertaga tongda O‘zbekiston U-16 terma jamoasi Toshkent – Kuala-Lumpur-Kolombo yo‘nalishi bo‘yicha Shri-Lankaga yo‘l oladi.

Kolombo shahrida bo‘lib o‘tadigan Osiyo chempionati saralashida vakillarimiz Xitoy, Guam, Iordaniya va Shri-Lanka terma jamoalariga qarshi bahs olib boradi.

Osiyo chempionatining dastlabki saralash bosqich yaunlariga ko‘ra 6ta guruhda 1-o‘rini qo‘lga kiritgan jamoalar va ikkita eng yaxshi ko‘rsatkichga ega 2-o‘rin egalari keyingi bosqichga yo‘l oladi. Ushbu 8ta terma jamoa 2019 yilning bahorida Osiyo chempionati saralashining 2-bosqichida ishtirok etishadi. 2-bosqichdan muvaffaqiyatli o‘tgan 4ta terma jamoaga ushbu yosh toifasidagi amaldagi sovrindorlar — Yaponiya, Janubiy Koreya va KXDR terma jamoalari hamda Osiyo chempionati mezboni (1-saralash bosqichidan keyin ma’lum bo‘ladi) qo‘shiladi.