Bu yil Superligada 12ta jamoa ishtirok etayotgan bo‘lsa, ularni birinchi bosqichda jami 17 nafar murabbiy maydonga boshlab tushdi. 3 nafari xorijlik mutaxassis - Shota Arveladze, Viktor Kumikov va Sergey Lushan (terma jamoamiz sobiq himoyachisi Rossiya fuqarosi hisoblanadi).
E’tiborli jihati, so‘nggi yillarda jamoalarda murabbiylarni almashtirish holati ancha kamayganini ko‘rish mumkin. Deylik, 2017 yilgi mavsum yakuni bo‘yicha aytsak, atigi 3ta jamoa - «Metallurg», «So‘g‘diyona» va «Neftchi»da yangi murabbiy faoliyat boshladi.
Qizig‘i, birinchi bosqich davomida aynan «So‘g‘diyona» va «Neftchi»da yana o‘zgarish kuzatildi. 5-turdan so‘ng jizzaxliklar bosh murabbiy Aleksandr Mochinovni iste’foga chiqarib, uning o‘rniga Sergey Lushanni tayinlashdi.
Farg‘ona shahri jamoasida esa, dastlabki turlarda bosh murabbiy masalasida tushunarsiz holat hukmronlik qildi. Chunonchi, mavsum uchun taqdim qilingan «zayavka»da Sergey Kovshov bosh murabbiy sifatida ko‘rsatilgandi. 1-tur o‘yini qaydnomasida ham uning ism-sharifi qayd etildi. Lekin 2-turdan e’tiboran «Neftchi» bosh murabbiy sifatida Bahrom Haydarov ko‘rsatildi.
Farg‘onaliklar 6-tur doirasida «Buxoro»ni qabul qilib, mag‘lubiyatga uchrashgach, Haydarov ham o‘yin qaydnomalarida «ko‘rinmay» qoldi. Aniqroq aytsak, 7-10-turlar oralig‘ida qaydnomada murabbiy Abdumalik Hakimov imzosi ko‘zga tashlandi.
Nihoyat, 11-tur arafasida «Neftchi» rahbariyati Bahrom Haydarov jamoa bosh murabbiyi lavozimiga tayinlangani rasman e’lon qildi.
Qisqasi, statistika ma’lumotlar o‘yinning rasmiy hujjati sifatida tan olinadigan qaydnoma bo‘yicha yuritilishi bois, 4ta uchrashuv natijalarini Abdumalik Hakimov hisobiga yozishga majburmiz.
«So‘g‘diyona» va «Neftchi»dan tashqari, 6-tur yakunlangach, amaldagi chempion «Lokomotiv»da ham bosh murabbiy o‘zgardi. Ya’ni Andrey Miklyayev o‘z o‘rnini Andrey Fyodorovga bo‘shatib berdi.
13-turdan so‘ng esa, Olmaliq shahri jamoasida ham iste’fo kuzatildi: rossiyalik mutaxassis Viktor Kumikov o‘z xohishiga ko‘ra, ishdan bo‘shadi va uning o‘rnini Baxtiyor Ashurmatov egalladi.
Bu o‘zgarishlar kimga qanday naf keltirganini murabbiylarning umumiy statistikasiga qarab ham bilib olish mumkin.
ARVELADZE VA AKTAMOV
Ayni payt Superliga jamoalarini boshqarayotgan aksariyat murabbiylar vaqtida O‘zbekiston milliy chempionati yuqori ligasida maydonga tushishgan. Faqat ikki kishi bundan mustasno: «Paxtakor» ustozi Shota Arveladze va «Qizilqum» yo‘lboshchisi Hamidjon Aktamov.
Gruziyalik mashhur sobiq futbolchi faoliyati davomida ko‘p mamlakatlarda to‘p surgan, faqat yurtimizda emas. Aktamov ham futbolchi sifatida faoliyat yuritgan, lekin oliy liga o‘yinlarida maydonga tushmagan. Aniqroq aytsak, u 2012 yil birinchi ligada Navoiy shahri sharafini himoya qilgan «Yujanin» jamoasi ro‘yxatiga kiritilgandi.
E’tiborlisi, Aktamov o‘sha vaqt 34 yoshda bo‘lgan. Eslatma, 2012 yili birinchi liga ikki bosqichli tizimda o‘tkazilgandi. «Yujanin» ilk bos-qichda «G‘arb» mintaqasida ishtirok etib, 2-o‘rinni egallagan.
Ikkinchi bosqichga kelib, jamoa o‘z nomini o‘zgartiradi - «Zarafshon». Xullas, navoiyliklar o‘sha mavsum 6-o‘rinni egallashgan. Afsuski, hujumchi sifatida ko‘rsatilgan Hamidjon Aktamovning nechta o‘yinda maydonga tushgani xususida aniq ma’lumot yo‘q.
AMPLUALAR BO‘YICHA
Superligadagi bosh murabbiylar orasida 4 nafardan sobiq himoyachi (Andrey Fyodorov, Andrey Shipilov, Baxtiyor Ashurmatov va Sergey Lushan), yarim himoyachi (Mirjalol Qosimov, No‘’mon Hasanov, Ro‘ziqul Berdiyev va Bahrom Haydarov) hamda hujumchi (SHota Arveladze, Ilhom Mo‘minjonov, Ulug‘bek Baqoyev va Hamidjon Aktamov) bor.
Agar yil boshidagi holat bo‘yicha aytsak, murabbiylar ramziy jamoasida darvozabon ham joy oladi. Zero, AGMKning sobiq ustozi Viktor Kumikov futbolchilik faoliyatida aynan darvozabon sifatida o‘ynagan.
Iste’foga chiqqan qolgan murabbiylarga to‘xtalsak, ular orasida sobiq himoyalar ko‘p: Sergey Kovshov, Andrey Miklyayev va Abdumalik Hakimov. «So‘g‘diyona»da omadsizlikka yuz tutgan Aleksandr Mochinov esa vaqtida hujumchi rolini bajargan.
TERMA JAMOA VA OLIY LIGA
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
