Fransiyada APL futbolchilaridan birining voyaga yetmagan qizni zo‘rlaganlik ehtimoli bo‘yicha tergov olib borilmoqda.
The Telegraph xabariga ko‘ra, voqea 2012 yilning 18 iyulida Fransiya janubidagi Nim shahrida sodir bo‘lgan. O‘sha kuni angliyalik futbolchi va uning akasi (o‘sha vaqtda 17 va 19 yoshda bo‘lishgan) 15 yoshli qizni zo‘rlaganlar. Jabrlanuvchining so‘zlariga ko‘ra, aka-ukalar uni spirtli ichimlik ichishga majburlaganlar va zo‘rlaganlar. Futbolchining ismi oshkor qilinmayapti, ammo o‘sha vaqta klub bilan professional shartnomaga ega bo‘lgan.
Qizig‘i, futbolchi dastlab aybini tan olmagan, keyin esa akasi bilan qizning yoshini bilmaganlarini tan olgan. Hozirda 23 va 25 yoshga kirgan ayblanuvchilarning so‘zlariga ko‘ra, qiz bunga qarshi bo‘lmagan.
Ayni paytda futbolchi va uning akasi garov vaziga qo‘yib yuborilgan va sudni kutmoqdalar.
