Францияда АПЛ футболчиларидан бирининг вояга етмаган қизни зўрлаганлик эҳтимоли бўйича тергов олиб борилмоқда.
The Telegraph хабарига кўра, воқеа 2012 йилнинг 18 июлида Франция жанубидаги Ним шаҳрида содир бўлган. Ўша куни англиялик футболчи ва унинг акаси (ўша вақтда 17 ва 19 ёшда бўлишган) 15 ёшли қизни зўрлаганлар. Жабрланувчининг сўзларига кўра, ака-укалар уни спиртли ичимлик ичишга мажбурлаганлар ва зўрлаганлар. Футболчининг исми ошкор қилинмаяпти, аммо ўша вақта клуб билан профессионал шартномага эга бўлган.
Қизиғи, футболчи дастлаб айбини тан олмаган, кейин эса акаси билан қизнинг ёшини билмаганларини тан олган. Ҳозирда 23 ва 25 ёшга кирган айбланувчиларнинг сўзларига кўра, қиз бунга қарши бўлмаган.
Айни пайтда футболчи ва унинг акаси гаров вазига қўйиб юборилган ва судни кутмоқдалар.
