Ikki goli bilan "Lokomotiv" ustidan g‘alabaga munosib ulush qo‘shgan Tiago o‘yin haqida fikrlarini bildirdi.
- Uyda uzoq tanaffusdan keyin o‘ynadik va muhim g‘alabani qo‘lga kiritdik. "Lokomotiv" kuchli va hurmatga sazovor jamoa. Bugungi bellashuv nafaqat muxlislar, balki futbolchi va murabbiylar uchun ham qizg‘in kechdi deb o‘ylayman. Ular har qanday holatda futbol o‘ynashni xohlashadi. Ikki jamoa bunga harakat qilganda uchrashuv qiziq o‘tadi. Ular kamchilikda ham o‘z o‘yinlarini ko‘rsatishga intilishdi.
Biz saviyamizni o‘yindan-o‘yinga o‘stirib, keyingi bahslarga yaxshiroq holatda bo‘lishga urinamiz. Har ikki musobaqada sovrinlar uchun kurashni davom ettiramiz.
