"Paxtakor" bosh murabbiyi Shota Arveladze "Buxoro"ga qarshi bo‘lib o‘tadigan uchrashuv haqida savollarga javob berdi.
Jamoa o‘yinga qanchalik tayyor?
- Hozir yana har to‘rt kunda maydonga tushishimizga to‘g‘ri kelmoqda. Shunga qaramay, yigitlar mashg‘ulotlarda bor kuchlarini berishmoqda. Ayni paytda biz jismonan yaxshi holatdamiz. O‘yinga tayyorgarlik yuqori kayfiyatda olib borilyapti. Superliga va O‘zbekiston Kubogida oldimizga eng yuqori maqsadlarni qo‘yganmiz. Shu sababli har bir uchrashuvga to‘liq hozir bo‘lishimiz lozim. Bu yog‘iga barcha o‘yin keskin va shiddatli kechadi.
Raqib haqida nima deya olasiz?
- Bizning "Buxoro"ga qarshi o‘yinlarimiz qiziqarli o‘tib kelmoqda. Ular har bir jamoaga munosib qarshilik ko‘rsatishga urinishadi. Biz esa o‘z o‘yinimizni namoyish qilishga urinamiz. Hujumkor futbol ko‘rsatib, bellashuvni nazorat qilishga intilamiz.
Ishqibozlardan bizni muhim pallalarda yanada faolroq qo‘llab turishni so‘raymiz. Biz ularga chiroyli o‘yin va g‘alaba bilan xursandchilik taqdim etishga intilamiz”, - deydi Arveladze.
