O‘zbekiston Respublikasi Prezidenti Shavkat Mirziyoyev 20 sentyabr kuni jismoniy tarbiya va sport sohasini rivojlantirish masalalariga bag‘ishlangan yig‘ilish o‘tkazdi.
Shavkat Mirziyoyev ushbu yig‘ilishda O‘zbekistonda sportni ommalashtirish bo‘yicha besh yillik milliy konsepsiya ishlab chiqish zarurligini alohida ta’kidlab o‘tdi.
“Mamlakatimizda sportni ommalashtirish bo‘yicha besh yillik milliy konsepsiya ishlab chiqish zarur. Aholini jismoniy tarbiya bilan muntazam shug‘ullanib, sog‘lom turmush kechirishga jalb etish, shu orqali kasalliklarning oldini olib, odamlarning umrini uzaytirish konsepsiyaning asosiy yo‘nalishi va natijasi bo‘lishi kerak, dedi Prezident.
Shuningdek, yig‘ilishda federasiyalarning ishi sustligi sababli ot sporti, suzish, qilichbozlik, o‘q otish va jamoaviy sport turlari bo‘yicha xalqaro musobaqalarda yaxshi natijalarga erishilmayotgani tanqid qilingan.
