Superliganing 24-turi doirasida "Bunyodkor"ga qarshi uchrashuvdan keyin "Lokomotiv" bosh murabbiyi Andrey Fyodorov o‘z fikrlarini bildirib o‘tdi.
3 himoyachi? Yashirmayman, "Paxtakor"ga qarshi o‘yindan keyin o‘yinimizni boshqatdan tashkil qilishni, 4 himoyachi bilan o‘ynashni istadik. Bunga ilk sabab sifatida yetakchi futbolchilarning jarohat olganini aytsa bo‘ladi.
O‘yinga qanday sxemani tanlasangiz ham, 3 yoki 5 himoyachimi buning farqi yo‘q. Futbolni futbolchi o‘ynaydi. To‘g‘ri o‘ynash kerak. Meni bosh murabbiy qilib tayinlashganidan keyin ham to‘pni ko‘proq nazorat qilishga intildik. Sxema - futbolchilarning joylashuvi. Qanday sxemada o‘ynasak ham futbolchi maydonda o‘zining eng yaxshi o‘yinini, sifatlarini ko‘rsatishi kerak.
Jamoaning futbolchilardan qarzi bormi degan savolga Andrey Fyodorov shunday javob berdi: "Yo‘q, ayni damda moliyaviy tomondan hech qanday muammolar ham, futbolchilarning oldida qarzlar ham yo‘q".
