Суперлиганинг 24-тури доирасида "Бунёдкор"га қарши учрашувдан кейин "Локомотив" бош мураббийи Андрей Фёдоров ўз фикрларини билдириб ўтди.
3 ҳимоячи? Яширмайман, "Пахтакор"га қарши ўйиндан кейин ўйинимизни бошқатдан ташкил қилишни, 4 ҳимоячи билан ўйнашни истадик. Бунга илк сабаб сифатида етакчи футболчиларнинг жароҳат олганини айтса бўлади.
Ўйинга қандай схемани танласангиз ҳам, 3 ёки 5 ҳимоячими бунинг фарқи йўқ. Футболни футболчи ўйнайди. Тўғри ўйнаш керак. Мени бош мураббий қилиб тайинлашганидан кейин ҳам тўпни кўпроқ назорат қилишга интилдик. Схема - футболчиларнинг жойлашуви. Қандай схемада ўйнасак ҳам футболчи майдонда ўзининг энг яхши ўйинини, сифатларини кўрсатиши керак.
Жамоанинг футболчилардан қарзи борми деган саволга Андрей Фёдоров шундай жавоб берди: "Йўқ, айни дамда молиявий томондан ҳеч қандай муаммолар ҳам, футболчиларнинг олдида қарзлар ҳам йўқ".
