"Yuventus" hujumchisi Krishtianu Ronaldu bugun FIFA taqdirlash marosimida qatnashmaydigan bo‘ldi.
33 yoshli futbolchi va "Yuventus"ning boshqa o‘yinchilari tig‘iz grafik sababli marosimni o‘tkazib yuboradilar. Turinliklar yakshanba kuni "Frozinone" bilan o‘ynadilar (2:0), navbatdagi o‘yinni chorshanba kuni "Bolonya"ga qarshi o‘tkazadilar.
Avvalroq Monakoda o‘tkazilgan UYEFA taqdirlash marosimidan farqli o‘laroq Ronaldu bu safar tashkilotchilarga bu haqida xabar berib, uzrini aytgan.
Ronaldu FIFA taliqini bo‘yicha eng yaxshi o‘yinchi nomiga nomzodlar uchligida bor. Unga Luka Modrich va Muhammad Saloh raqobatchilik qiladilar. FIFAning taqdirlash marosimida nomzodlar uchligida bo‘lmasada "Barselona" hujumchisi Lionel Messi qatnashishi xabar qilingan.
