O‘zbekiston mudofaasiga ko‘maklashuvchi “Vatanparvar” tashkilotining Chirchiq shahrida joylashgan sport majmuasida yozgi biatlon bo‘yicha yoshlar o‘rtasida O‘zbekiston kubogi musobaqalari o‘tkazildi.
Bahslarda Respublikamizning barcha viloyatlaridan biatlonchilar qatnashishdi. Dastlabki kungi sprint bahslarida o‘g‘il bolalar 4 kilometr masofada, qizlar esa 3 kilometr masofada g‘oliblik uchun kurash olib borishdi. Musobaqa yakunlariga ko‘ra farg‘onalik Fayzullo Po‘latxo‘jayev marraga birinchi bo‘lib yetib keldi.
Qizlar o‘rtasidagi bellashuvlarda Samarqand viloyati sportchisi Sevara Choriyevaga teng keladigan raqib topilmadi. Ta’qib poygalari va shaxsiy birinchilik uchun o‘tkazilgan bahslarda ham yetakchilar o‘zgargani yo‘q.
