Avvalroq, “Stadion.uz” internet nashri “Navbahor” klubi a’zolari atrofidagi ziddiyatlarga oid maqolani e’lon qilgan edi.
Ya’ni, “Navbahor”da bir muddat o‘ynagan hujumchi Ro‘zim Ahmedov klub bosh murabbiyi Ilhom Mo‘minjonov haqida keskin, tanqidiy fikrlar bildirgan audio yozuvi kecha O‘zbekistondagi OAV va ijtimoiy tarmoqlarda keng bahs-munozaralarga sabab bo‘ldi.
Futbolchining murabbiy haqida bildirgan salbiy fikrlari jamoatchilik e’tiboridan hamon chetda qolmayapti. Shu bois “Stadion.uz” muxbiri Akmal Eshonxonov “Navbahor” murabbiyi Ilhom Mo‘minjonov bilan bog‘lanib, uning ushbu voqeaga bo‘lgan munosabatini eshitdi.
Ilhom Mo‘minjonovning aytishiga ko‘ra, “Navbahor”da “yulduzlar” yo‘q, klubda faqat mexnatsevar, jamoa, muxlislar sha’nini o‘ylaydigan, mashg‘ulotlarda faol ishtirok etib, natija olib kelish qo‘lidan keladigan futbolchilar o‘ynashi mumkin. Jamoa oldiga bu yil Superligada chempion bo‘lish ta’labi qo‘yilgan.
Shundan kelib chiqib, Mo‘minjonov o‘rtamiyona futbolchilar bilan bo‘lsa-da yuklatilgan vazifa: Superligada chempionlikni qo‘lga kiritish niyatida. Bundan tashqari, “Navbahor”ni 3 mavsumdan beri boshqarib kelayotgan Ilhom Mo‘minjonov Ro‘zim Ahmedovni tuxmat va haqorat qilgani uchun sudga berishini tasdiqladi. Shuningdek, mutaxassis rahbariyat jamoa uchun emas, balki amal uchun ishlayotganini ham berkitmasdan jamoatchilikka oshkor qildi.
Ilhom Mo‘minjonovning Ro‘zim Ahmedov va unga qarshi bo‘lgan klub rahbariyatiga yo‘llagan javobini quyidagi videoda eshitishingiz mumkin.
Eslatib o‘tamiz, kecha O‘zPFL direktori o‘rinbosari Diyor Imomxo‘jayev Ro‘zim Ahmedov aytganlari uchun javob berishi kerakligi va “Navbahor” rahbariyati vijdonan klubda tekshiruv o‘tkazishi darkorligi haqida ijtimoiy tarmoqdagi sahifasi orqali yozib qoldirgan edi. Aftidan O‘zPFL ham bu ishning yakuni ijobiy hal bo‘lishida chetdan shunchaki kuzatuvchi sifatida qarab turmaydi.
Video: Ro‘zim Ahmedov: Ilhom Mo‘minjonov “XAROMI, IFLOS, O‘G‘RI”
