Аввалроқ, “Stadion.uz” интернет нашри “Навбаҳор” клуби аъзолари атрофидаги зиддиятларга оид мақолани эълон қилган эди.
Яъни, “Навбаҳор”да бир муддат ўйнаган ҳужумчи Рўзим Аҳмедов клуб бош мураббийи Илҳом Мўминжонов ҳақида кескин, танқидий фикрлар билдирган аудио ёзуви кеча Ўзбекистондаги ОАВ ва ижтимоий тармоқларда кенг баҳс-мунозараларга сабаб бўлди.
Футболчининг мураббий ҳақида билдирган салбий фикрлари жамоатчилик эътиборидан ҳамон четда қолмаяпти. Шу боис “Stadion.uz” мухбири Акмал Эшонхонов “Навбаҳор” мураббийи Илҳом Мўминжонов билан боғланиб, унинг ушбу воқеага бўлган муносабатини эшитди.
Илҳом Мўминжоновнинг айтишига кўра, “Навбаҳор”да “юлдузлар” йўқ, клубда фақат мехнатсевар, жамоа, мухлислар шаънини ўйлайдиган, машғулотларда фаол иштирок этиб, натижа олиб келиш қўлидан келадиган футболчилар ўйнаши мумкин. Жамоа олдига бу йил Суперлигада чемпион бўлиш таълаби қўйилган.
Шундан келиб чиқиб, Мўминжонов ўртамиёна футболчилар билан бўлса-да юклатилган вазифа: Суперлигада чемпионликни қўлга киритиш ниятида. Бундан ташқари, “Навбаҳор”ни 3 мавсумдан бери бошқариб келаётган Илҳом Мўминжонов Рўзим Аҳмедовни тухмат ва ҳақорат қилгани учун судга беришини тасдиқлади. Шунингдек, мутахассис раҳбарият жамоа учун эмас, балки амал учун ишлаётганини ҳам беркитмасдан жамоатчиликка ошкор қилди.
Илҳом Мўминжоновнинг Рўзим Аҳмедов ва унга қарши бўлган клуб раҳбариятига йўллаган жавобини қуйидаги видеода эшитишингиз мумкин.
Эслатиб ўтамиз, кеча ЎзПФЛ директори ўринбосари Диёр Имомхўжаев Рўзим Аҳмедов айтганлари учун жавоб бериши кераклиги ва “Навбаҳор” раҳбарияти виждонан клубда текширув ўтказиши даркорлиги ҳақида ижтимоий тармоқдаги саҳифаси орқали ёзиб қолдирган эди. Афтидан ЎзПФЛ ҳам бу ишнинг якуни ижобий ҳал бўлишида четдан шунчаки кузатувчи сифатида қараб турмайди.
Видео: Рўзим Аҳмедов: Илҳом Мўминжонов “ХАРОМИ, ИФЛОС, ЎҒРИ”
