Avval xabar berganimizdek, Ispaniyaning Madrid shahrida 24-25 sentyabr kunlari Butunjahon futbol sammiti bo‘lib o‘tdi. Ushbu sammitda O‘zbekiston Professional futbol ligasi Bosh direktori Omon G‘ofurov boshchiligidagi delegasiya ishtirok etdi.
Sammit doirasida delegasiyamiz vakillari bir qancha Yevropa futbol jamoatchiligi vakillari bilan uchrashuvlar o‘tkazdi va bir qator loyihalarni amalga oshirishga kelishib oldi.
Jumladan, Yevropaning TOP-5 chempionatlari qatoriga kiruvchi Germaniya Bundesligasining xalqaro aloqalar bo‘limi boshlig‘i Bernd Vilms bilan muzokara o‘tkazildi.
Muzokara doirasida O‘zbekiston Professional futbol ligasi hamda Bundesliga o‘rtasida bir qancha yo‘nalishlar (muxlislar bilan ishlash, futbol akademiyalari, o‘rtoqlik o‘yinlari) bo‘yicha hamkorlik qilish uchun memorandum imzolashga kelishib olindi.
Ushbu masala bo‘yicha Bundesliga vakillari yaqin kunlar ichida Toshkent shahriga kelish rejalashtirilgan.
Bundan tashqari, “Real Madrid” klubiga to‘g‘ridan-to‘g‘ri xizmat ko‘rsatadigan Adidas Generation kompaniyasi vise-prezidenti Karlos Pulido bilan muzokaralar o‘tkazildi. Adidas Generation kompaniyasi Adidas brendi ostida ishtirok etadigan mashhur klublar bilan o‘rtoqlik o‘yinlarini va o‘quv-mashg‘ulot yig‘inlar tashkil etish bo‘yicha loyihalarni amalga oshiradi.
Dunyoning eng mashxur kompaniyalaridan biri hisoblangan “Amazon” kompaniyasi futbol sanoatida ham faoliyat yuritayotgani hech kimga sir emas. Kompaniya vakili Alessandro Tataranni bilan bo‘lib o‘tgan uchrashuv chog‘ida O‘zbekistonda futbol marketingini takomillashtirish va o‘zbek futboli brendini rivojlantirish bo‘yicha kelishuvga erishildi.
Futbolning jozibadorligini oshirishda translyasiya sifati juda katta ahamiyatga ega. Yevropada bu masalaga jiddiy e’tibor qaratilib, translyasiya borasida katta muvaffaqiyatlarga erishilgan.
Bir qancha futbol ligalariga ushbu yo‘nalishda xizmat ko‘rsatib kelayotgan TELLYO kompaniyasi vakili Jakob Maykovski o‘z kompaniyasi O‘zbekistonda ham futbol uchrashuvlari translyasiyasini yangi bosqichga olib chiqishga harakat qilishini, bu borada kompaniyaning maxsus dasturini O‘zbekistonda sinab ko‘rish taklifini olg‘a surdi.
Yaqin kelajakda ushbu komaniya bilan hamkorlikda yurtimizda futbol translyasiyasining sifatini yaxshilash va yangi bosqichga olib chiqish rejalashtirilmoqda.
Shu bilan bir qatorda O‘zbekiston delegasiyasi 26-27 sentyabr kunlari LaLiga tashkiloti va “Real Madrid” akademiyasi bilan yana bir qancha hamkorlikdagi kelishuvlar bo‘yicha muzokaralar o‘tkazadi.
"Barselona" uzoq kutilgan muammoni hal qildi [4180]
Abduqodir Husanov Liga-1 joriy mavsumida raqibdan to‘pni olib qo‘yish bo‘yicha 2-o‘rinda [3658]
"Roma"ning asosiy hujumchisi jarohat sabab safdan chiqdi [2999]
"Real" direktori: "Vaziyat yaxshiga o‘xshamayapti" [2795]
Karvaxal dahshatli jarohat oldi va ko‘zida yosh bilan maydonni tark etdi (foto) [2658]
Kroos "Santyago Bernabeu"ga tashrif buyurdi [2291]
Anchelotti Karvaxalning jarohati haqida gapirdi [2221]
«Barselona» Messini chaqirmoqchi [2041]
O‘zbekiston kubogi. Final. «Navbahor» - «Andijon» - 2:3 (statistika) [1989]