UYEFA prezidenti Aleksander Cheferinning harakatlari Yevro-2024 mezbonligi uchun kurashda Turkiyaning mag‘lubiyatiga sabab bo‘ldi, deb yozadi Milliyet.

Turkiya nashri ma’umotiga ko‘ra, UYEFA ijroqo‘mining 9 a’zosi dastlab Turkiyaga ovoz berishmoqchi bo‘lgan, ammo Cheferin ulardan beshtasini Germaniya foydasiga qaror chiqarishga ko‘ndirgan. Agar UYEFA ijroqo‘mi a’zolari fikrlarini o‘zgartirmaganlarida Turkiya 9:7 hisobida yutib chiqqan bo‘lar edi.

Eslatib o‘tamiz, Germaniya 12 ovoz bilan musobaqa mezboni bo‘ldi. Turkiya uchun 4 kishi ovoz bergan, bir kishi betaraf qoldi.

Yevro-2024 o‘yinlari Berlin, Kyoln, Dortmund, Dyusseldorf, Frankfurt, Gelzenkirxen, Gamburg, Leypsig, Myunxen va Shtutgart shaharlarida bo‘lib o‘tadi, musobaqada 24 jamoa qatnashadi.