O‘zbekiston futbol assosiasiyasi tomonidan 5 ta yosh toifasidagi futbolchilar o‘rtasidagi O‘zbekiston chempionati tashkil etilgani haqida xabar bergan edik. Ushbu musobaqaning ikkinchi bosqich chorak final bahslari o‘tkazildi.

2002 yilda tug‘ilgan futbolchilar ishtirok etayotgan musobaqaning chorak final o‘yinlarida quyidagi natijalar qayd etildi:
 
Sirdaryo – Navoiy 0:2
Qashqadaryo – Namangan 6:3
Toshkent shahri – Andijon 5:2
Buxoro – Samarqand 5:0
 
Quyida yarim final juftliklari bilan tanishishingiz mumkin:
 
Navoiy – Toshkent shahri
Qashqadaryo – Buxoro
 
Musobaqaning ikkinchi bosqichi ham O‘FA maydonlarida tashkillashtirilmoqda. Eslatib o‘tamiz, musobaqaning keyingi bosqichlari, 2003 yilda tug‘ilgan bolalar o‘rtasida 20-25 oktyabr, 2004 yilda tug‘ilgan bolalar o‘rtasida 8-13 oktyabr, 2005 yilda tug‘ilgan bolalar o‘rtasida esa 5-10 noyabr kunlari bo‘lib o‘tadi. 
 
Musobaqani O‘zbekiston U-17 terma jamoasi murabbiyi Otabek G‘ulomxo‘jayev boshchiligidagi murabbiy va seleksionerlar guruhi kuzatib borishmoqda.