Bugun Italiya chempionati 7-tur uchrashuvlari start oladi. Bu turda Italiya chempionligi uchun asosiy davogarlar “Yuventus” va “Napoli” uchrashuvi bo‘lib o‘tadi. Mazkur uchrashuvni Italiya derbisi deb bo‘lmaydi, biroq so‘ngi yillarda barchasi shunga qarab ketmoqda.
“Yuventus” chempionatda joriy mavsum yutqazmagan yagona jamoaga aylanib oldi. So‘ngi turda Allegri shogirdlari “Bolonya” ustidan ishonchli 2:0 hisobida ustun keldi. “Yuventus” 6 ta tur natijasiga ko‘ra, 13 ta gol urdi va “keksa sinoralar” o‘z darvozalaridan 4 ta gol olib chiqishdi.
“Napoli” ham ishonchli o‘yin ko‘rsatmoqda, biroq ikkinchi o‘rinda. Karlo Anchelotti jamoasi kutilmaganda Genuyeda ochko yo‘qotdi. Jamoa “Sampdoriya”ga 0:3 hisobida mag‘lub bo‘lgandi. So‘nggi turda neapollikar qiyinchiliksiz “Parma”ni mag‘lub etdi. Karlo Anchelotti jamoasini turnir jadvalida “Yuventus” bilan 3 ochko ajratib turibdi.
FAKTLAR:
“Yuventus” Italiya chempionatida 6 ta o‘yinning barchasida g‘alaba qozondi. Shuningdek, Turinliklar YECHL guruh bosqichida “Valensiya”dan ustun keldi. Shunday qilib, Turin klubi so‘ngi 88 yildagi eng yaxshi startni amalga oshirdi.
Karlo Anchelotti “Napoli” bosh murabbiyi sifatida Turinga qaytadi. Karlo Anchelotti 1999—2001 mavsumda aynan Turin klubini boshqargan. Lekin murabbiyning ta’kidlashicha unga hech qachon “Yuve” yoqmagan.
Ikkala jamoada ham yo‘qotishlar yetarlicha. “Yuventus” safida bugungi o‘yinni Duglas Kosta diskvalifikasiya tufayli, Sami Xedira, Mattio De Shilyo va Leonardo Spinassolalar jarohati sababli o‘yinni o‘tkazib yuboradi. “Napoli”da quyidagi futbolchilar jamoasiga yordam berolmaydi:darvozabon Aleks Meret, himoyachilar Vlad Kirikesh, Fauzi Gulyam va Amin Yunes.
Jamoalar o‘rtasidagi “Alyans Stedium”dagi so‘ngi 7 ta uchrashuvning 6 tasida “Yuventus” g‘alaba qozongan. Turindagi so‘ngi uchrashuv “Napoli”ning g‘alabasi bilan yakunlangan edi.
“Yuventus” va “Napoli” shu kungacha jami 151 marta to‘qnash kelgan. “Yuventus” hisobida 69 ta g‘alaba, “Napoli” esa 33 bor g‘alaba qozongan. Jamoalar 49 marta murosa ko‘chasini tanlashgan.
Kimga ko‘proq e’tibor qaratish kerak?
Krishtianu Ronaldu – darhaqiqat, Ronaldu hozirda nafaqat “Yuventus”ning, balki Italiya chempionatinng asosiy yulduzi. Italiyaning istalgan shahrida Krishtianu Ronaldu muxlislari topiladi. Bugun maydondagi eng havfli futbolchi ham aynan u hisoblanadi. Keling ko‘p gapirmaylik, raqamlarga murojaat qilsak ularning o‘zi aytib beradi. Ronaldu har bir uchrashuvda o‘rtacha 7,8 zarba bermoqda. Krishtianu Italiya chempionatida hozircha 3 ta gol urgan va 2 ta golga assistentlik qilgan.
Lorenso Insinye – Neapolda tug‘ilgan “Napoli”ning yagona futbolchisi. Uzoq vaqtdan beri “Napoli” yetakchisi bo‘lib kelmoqda. Joriy mavsum Insinye faoliyatidagi eng yaxshi startni amalga oshirdi. Futbolchi 6 ta uchrashuvda 5 gol urishga erishdi.
Tahminiy tarkiblar:
Ikkala jamoadan ham g‘alaba kutsa bo‘ladi. Yaqinda Neapolliklar prezidenti klubning asosiy maqsadi “Skudetto” ekanligini ma’lum qilgan edi. Agar, ular Italiya chempionlgini qo‘lga kiritmoqchi bo‘lsalar, marhamat “Yuve”ni mag‘lub etsin.
“Yuventus”ning taqvimi raqibiga qaraganda ancha oson. Shu sababli ularning kuchi ko‘proq. Bu uchrashuvda favorit albatta turinliklar. Turindan 3 ochko olib ketish har kimga ham emas.
Jaloliddin Qobiljonov
