Italiya chempionati 7-turidan o‘rin olgan markaziy uchrashuv “Yuventus” va “Napoli” bahsi nihoyasiga yetdi. “Alyans Stedium” o‘yingohida kechgan uchrashuvda mezbonlar ishonchli hisobda g‘alaba qozondi.
O‘yin debyuti mehmonlar uchun omadli keldi: 10-daqiqada Dris Mertens jamoasining kombinasiyasini aniq zarba bilan muvaffaqiyatli yakunladi.
Uchrashuvning 26-daqiqasida Krishtianu Ronaldu chap qanotdan tezlik oldi va to‘pni jarima maydoni markaziga uzatdi, u yerda Mario Manjukich boshi bilan to‘pni darvozaga joylab qo‘ydi.
Ikkinchi bo‘lim debyutida endi turinliklar omadli hararakat qilishdi: raqib maydoni tomonda to‘pni qabul qilib olgan Ronaldu uzoq masofadan zarba berdi, biroq to‘p darvoza ustuniga tegib qaytdi. Qaytgan to‘pni Manjukich bo‘sh qolgan darvozaga joylab, jamoasining ikkinchi golini urdi.
O‘yinning 58-daqiqasida neapolliklar kamchilik bo‘lib qolishdi, Mariu Ruy maydon markazida Paulo Dibalaga nisbatan juda qo‘pol o‘ynadi va ikkinchi sariq kartochkasini olib maydonni tark etdi. Chetlatishdan so‘ng mehmonlar bir nechta xavfli hujum tashkil qilishga erishdilar, lekin ular samara bermadi.
Uchrashuvning 76-daqiqasida mezbonlar standart vaziyatdan unumli foydalanishdi: burchakdan uzatib berilgan to‘pga Ronaldu boshi bilan zarba berdi, Lernardo Bonuchchi esa to‘pni darvoza tomon burib yuborib, jamoasining uchinchi golini urdi. Qolgan daqiqalarda hisob o‘zgarmadi.
Shu tariqa, «Yuventus» A Seriyadagi g‘alabali seriyasini davom ettirdi va 21 ochko bilan yaqqol peshqadam bo‘lib turibdi.
A Seriya, 7-tur
Yuventus – Napoli 3:1 (1:1, 2:0)
Gollar: 0:1 – 10 Mertens, 1:1 – 26 Mandjukich, 2:1 – 49 Mandjukich, 3:1 – 76 Bonuchchi.
Yuventus – Shesni, Kyellini, Joau Kanselu, Aleks Sandro, Bonuchchi, Pyanich, Matyuidi, Djan (Bentankur, 62), Ronaldu, Dibala (Bernardeski, 64), Mandjukich (Kuadrado, 84).
Napoli – Ospina, Albiol, Xyusay, Mariu Ruy, Kulibali, Zelinski (Malkyui, 61), Gamshik (Fabian Ruis, 70), InsinYE, Allan, Kalyexon, Mertens (Milik, 61).
Ogohlantirishlar: Mariu Ruy (24), Kulibali (40), Xyusay (55), Bonuchchi (60), Insinye (60), Joau Kanselu (69), Aleks Sandro (85).
Chetlatish: Mariu Ruy (58).
