Italiyaning “Jenoa” klubi safarda Italiya chempionatining 7-turidan o‘rin olgan uchrashuvda “Frozinone”ni mag‘lub etdi.

Jamoaning yetakchisi Kshishtof Pyontek dubl qayd etdi. 23 yoshli polshalik futbolchi jamoasining so‘ngi 15 ta golidan 12 tasida qatnashdi.

Hujumchi Italiya chempionatida 6 ta uchrashuvda 8 ta gol urishga erishdi. Shuningdek futbolchi “Lechche”ga qarshi kubok bahsida poker qayd etgandi. Futbolchi Italiya chempionati to‘purarlar poygasida ham peshqadamlik qilmoqda.

Pyontek uchun bu Italiyadagi birinchi mavsum. Avval u polshaning “Krakoviyu”klubi sharafini himoya qilgan.