"Barselona" hujumchisi Lionel Messi Argentina terma jamoasining muvaffaqqiyatsizligi uchun doim uni ayblaganlari uchun terma jamoaga qaytmasligi kerak.
1986 yilgi jahon chempioni Diyego Maradona Messiga shunday maslahat bermoqda.
"Messi hammamizni dog‘da qoldirib ketishini istayman. U Argentinaning jahon chempioni bo‘lolmaganida aybdormas. Umidlarimiz unga bog‘langan edi, ammo bunaqasi bo‘lib turadi: poygada pul tikkan otingiz marraga sakkizinchi bo‘lib keladi. Formula1da Sebastyan Fettel eng zo‘r mashinaga ega, ammo marraga Lyuis Xemilton birinchi bo‘lib keladi.
Bugun Argentina termasi men yoki muxlislar uchun o‘ynamayapti. Ular odamlarda hissiyot uyg‘otmayaptilar, buni yo‘qotdik, ishtiyoq o‘ldi. Bor obro‘imizni hojatxonaga tashladik.
Men Messiga terma jamoadagi faoliyatini tugatishni maslahat bergan bo‘lardim. 15 yoshgacha bo‘lgan Argentina termasi yutqazsa - Messi aybdor, "Rasing" va "Boka Xuniors" yutqazsa - Messi aybdor.Etar. Terma jamoa Messisiz qanday o‘ynar ekan, ko‘ramiz", - deydi Maradona.
