"Барселона" ҳужумчиси Лионель Месси Аргентина терма жамоасининг муваффаққиятсизлиги учун доим уни айблаганлари учун терма жамоага қайтмаслиги керак.
1986 йилги жаҳон чемпиони Диего Марадона Мессига шундай маслаҳат бермоқда.
"Месси ҳаммамизни доғда қолдириб кетишини истайман. У Аргентинанинг жаҳон чемпиони бўлолмаганида айбдормас. Умидларимиз унга боғланган эди, аммо бунақаси бўлиб туради: пойгада пул тиккан отингиз маррага саккизинчи бўлиб келади. Формула1да Себастьян Феттель энг зўр машинага эга, аммо маррага Льюис Хэмилтон биринчи бўлиб келади.
Бугун Аргентина термаси мен ёки мухлислар учун ўйнамаяпти. Улар одамларда ҳиссиёт уйғотмаяптилар, буни йўқотдик, иштиёқ ўлди. Бор обрўимизни ҳожатхонага ташладик.
Мен Мессига терма жамоадаги фаолиятини тугатишни маслаҳат берган бўлардим. 15 ёшгача бўлган Аргентина термаси ютқазса - Месси айбдор, "Расинг" ва "Бока Хуниорс" ютқазса - Месси айбдор.Етар. Терма жамоа Мессисиз қандай ўйнар экан, кўрамиз", - дейди Марадона.
