“Los-Andjeles Gelaksi” hujumchisi Zlatan Ibragimovich Xabib Nurmagomedov va Konor MakGregor jangi oldidan fikr bildirdi.
“O‘ylaymanki, Xabib g‘alaba qozonadi. U ushlagan joyini qo‘yib yubormaydi. Xabib raqiblarini kurashga chorlaydi.
U og‘ir bosiq yigit, biroq juda havfli hamdir. Men rossiyalik yana bir jangchi Fyodor Yemelyanenkoni eslayman.
U ham og‘ir bosiq edi, lekin oktagonda umuman boshqa odamga aylanardi”, deydi Ibragimovich.
Eslatib o‘tamiz, Xabib Nurmagomedov va Konor MakGregor jangi 6-oktyabr kuni Las-Vegasda bo‘lib o‘tadi.
