Sky Sports eksperti va “Manchester Yunayted”ning sobiq himoyachisi Gari Nevill Aleksis Sanches haqida fikr bildirdi.
“Mendan “MYU”ning ko‘plab futbolchilari haqida so‘rashadi. Menimcha, 10 nafar futbolchiga har-xil ta’rif berib o‘tganman. Marsyal, Pogba, Sanchesga nima bo‘lyapti? Bularga nima bo‘lganligini bilmayman!
“Yunayted” Sanchesning “Arsenal”dagi soyasi bilan shartnoma imzolagan. So‘nggi yillarda u haqiqatdan ham yaxshi o‘ynadi. Bir kunda yomon futbolchi bo‘lib qolish mumkin emas.
Men faqat uning ahvoliga achinishim mumkin. Futbolchi muammoga yuz tutsa faqatgina unga achinasan. Ayniqsa, u ajoyib futbolchi bo‘lsa.
U jangchi, Sanches himoyada ham o‘ynaydi, u tezkor futbolchi va to‘pni o‘zida juda ko‘p ushlay oladi. Aleksis joriy mavsum yonishini kutgandim. Lekin, unga nima bo‘lgan bilmayman”, - deydi Nevill.
