Sky Sports эксперти ва “Манчестер Юнайтед”нинг собиқ ҳимоячиси Гари Невилл Алексис Санчес ҳақида фикр билдирди.

“Мендан “МЮ”нинг кўплаб футболчилари ҳақида сўрашади. Менимча, 10 нафар футболчига ҳар-хил таъриф бериб ўтганман. Марсьяль, Погба, Санчесга нима бўляпти? Буларга нима бўлганлигини билмайман!

“Юнайтед” Санчеснинг “Арсенал”даги сояси билан шартнома имзолаган. Сўнгги йилларда у ҳақиқатдан ҳам яхши ўйнади. Бир кунда ёмон футболчи бўлиб қолиш мумкин эмас.

Мен фақат унинг аҳволига ачинишим мумкин. Футболчи муаммога юз тутса фақатгина унга ачинасан. Айниқса, у ажойиб футболчи бўлса.

У жангчи, Санчес ҳимояда ҳам ўйнайди, у тезкор футболчи ва тўпни ўзида жуда кўп ушлай олади. Алексис жорий мавсум ёнишини кутгандим. Лекин, унга нима бўлган билмайман”, - дейди Невилл.