Bugun, 6 oktyabr kuni Indoneziya poytaxti Jakarta shahrida III Paraosiyo o‘yinlarining tantanali ochilish marosimi bo‘lib o‘tdi.
Osiyo va Paraosiyo o‘yinlarining bosh stadioni «Gelora Bung Karno Main Stadium»da o‘tkazilgan tadbirda mazkur musobaqada ishtirok etuvchi barcha mamlakatlar sport delegasiyalari stadion bo‘ylab tantanali tarzda chiqish qilishdi. O‘zbekiston sport delegasiyasi bayroqdori vazifasini avval xabar berilganidek Husniddin Norbekov bajardi.
Marosimda mezbon mamlakat – Indoneziya madaniyati, an’analari aks etgan turli sahna ko‘rinishlari ham namoyish etildi. Shuningdek, Indoneziya Prezidenti Joko Vidodo so‘zga chiqib, ishtirokchilarni qutladi va barchaga omad tiladi.
