"Yuventus" himoyachisi Leonardo Bonuchchi o‘tgan yilning yozida "Milan"ga o‘tganini xato deb bilmoqda.
"Orzum - yirik jamoa murabbiyi bo‘lish. Balki, "Yuventus"ning. Shu sababli murabbiylarning sirlarini qayd qilib boryapman.
Allegri bilan ziddiyatga borib qolgan edik, ammo aqlli, katta yoshli kishilar qo‘l berib ko‘rishadilar va birgalikda ish ustida ishlaydilar.
"Yuventus"dan ketishimga 4 oy qolganida mening g‘ururimga tegadigan ishlar bo‘lib o‘tgandi.
Hozir tashqaridan qarab, "Yuventus"dan ketishimni xato hisoblayapman. Chunki faqat shu yerda va shu libosda o‘z imkoniyatlarimni ko‘rsata olaman", - deydi Bonuchchi.
