O‘zbekiston - KXDR uchrashuvi oldidan o‘tkazilgan matbuot anjumanining ikkinchi qismida jurnalistlarning savollariga KXDR terma jamoasi bosh murabbiyi Kim Yong Jun hamda jamoa futbolchisi Jong Il Gvanlar javob berishdi.

Kim Yong Jun: Ertangi uchrashuv biz uchun yanvar oyida bo‘ladigan Osiyo kubogiga tayyorgarlik o‘yini bo‘ladi. Biz oxirgi o‘yinimizni may oyida Gonk Kong terma jamoasiga qarshi o‘tkazgan edik.

Ta’kidlash joiz, bu yil terma jamoamizga nomzod o‘yinchilarni ko‘p marotaba klublardan chaqirib olishni ep ko‘rmadik. Chunki ularning klublari xalqaro o‘yinlarda qatnashishmoqda va futbolchilar yetarli darajada o‘yin amaliyotiga ega bo‘lishmoqda

O‘rtoqlik o‘yinidan oldin jamoangizni o‘yinlarini kuzatdik. Terma jamoangiz o‘yinga a’lo darajada tayyor deb o‘ylayman. Kim ertaga yaxshi o‘ynasa o‘sha jamoa g‘alaba qozonadi. Futbolda oldindan qilingan bashoratlar doim ham o‘zini oqlamaydi

Biz ertaga g‘alaba qozonishga harakat qilamiz. Osiyo kubogiga tayyorgarlik ko‘rayotganimiz sababli agarda g‘alaba qozonsak jamoa futbolchilarining kayfiyatini ko‘tarilib ruhiyatiga ijobiy ta’sir ko‘rsatadi albatta.

Osiyo kubogida kuchli jamoalar ishtirok etishadi. Agar biz chorak finalga yetib borsak bu biz uchun ijobiy natija hisoblanadi.

Jong Il Gvan: Ertangi uchrashuvda biz yakdil jamoa sifatida yaxshi o‘yin ko‘rsatishga harakat qilamiz.

Shveysariya klubiga taklif etilishimga sabab o‘tgan yili Yaponiyada bo‘lib o‘tgan xalqaro musobaqada yaxshi ishtirok etib o‘yinda xet-trik qayd etganim bo‘lsa kerak.