Futbol statistikasi va tahlili bilan shug‘ullanadigan Opta kompaniyasi qiziqarli statistikani taqdim qildi. Mutaxassislar Yevropaning top-5 chempionatlarida so‘nggi 12 yilda golga tortadigan vaziyatlarni yaratish bo‘yicha yetuk futbolchilar ro‘yxatini e’lon qilishdi. Hisob-kitoblar uchun 2006 yilning 1 iyulidan 2018 yilning 15 oktyabrigacha oralig‘i olingan.

Mazkur ko‘rsatkich bo‘yicha "Arsenal" yarim himoyachisi Mesut O‘zil tengsiz bo‘lib turibdi. U bu davr mobaynida 1033ta golga tortadigan vaziyatlar yaratgan. Hozirda "Marsel" sharafini himoya qilayotgan Dimitri Payet 2-o‘rinda — 1016ta.

"Chelsi" yarim himoyachisi Sesk Fabregas kuchli uchlikka kirgan bo‘lsa, to‘rtinchi pog‘onani "Manchester Siti" pleymeykeri David Silva egallagan. "Barselona" yetakchisi Lionel Messi beshlikka kirdi. Besh karra "Oltin to‘p" sohibi Krishtianu Ronaldu bu borada 10-pog‘onada qayd etilgan.

Kuchli o‘nlikka kirgan futbolchilar orasida faqatgina Franchesko Totti futbolchilik faoliyatini yakunlagan.

1. Mesut O‘zil, «Shalke»/«Verder»/«Real»/«Arsenal» – 1033 golevix momenta;

2. Dimitri Payet, «Nant»/«Sent-Etyen»/«Lill»/«Vest Xem»/«Marsel» – 1016;

3. Sesk Fabregas, «Arsenal»/«Barselona»/«Chelsi» – 932;

4. David Silva, «Valensiya»/«Manchester Siti» – 886;

5. Lionel Messi, «Barselona» – 861;

6. Eden Azar, «Lill»/«Chelsi» – 794;

7. Marek Gamshik, «Napoli» – 740;

8. Xuan Mata, «Valensiya»/«Chelsi»/«Manchester Yunayted» – 723;

9. Franchesko Totti, «Roma» – 696;

10. Krishtianu Ronaldu, «Manchester Yunayted»/«Real»/«Yuventus» – 695.