Xabaringiz bor, bugun Superliganing 26-turi doirasida Namanganning “Navbahor” klubi o‘z maydonida Buxoroning “Buxoro” jamoasini qabul qiladi.

Mazkur o‘yin oldidan har ikki jamoa mutasaddilari, shuningdek, uchrashuv komissari Bobur Haydarov ishtirokida miting o‘tkazildi. Unda bo‘lajak bahsga oid bir qator masalalar muhokama qilindi.

Shuningdek, jamoalarning bugungi uchrashuvda qanday rangdagi liboslarda maydonga tushishlari ham ma’lum bo‘ldi. Unga ko‘ra, bo‘lajak bahsda “Navbahor” futbolchilari qizil, “Buxoro” vakillari esa ko‘k rangli futbolkalarda  maydonga tushadigan bo‘lishdi.

Eslatib o‘tamiz, “Navbahor” – “Buxoro” uchrashuvi  “Markaziy” o‘yingohda bugun soat 16:00da boshlanadi.

Bo‘lajak bahs shuningdek, rossiyalik mutaxassis Andrey Kanchelskisning “Navbahor” bosh murabbiyi sifatidagi debyut uchrashuvi hisoblanadi.

“Navbahor” PFK matbuot xizmati.